Rememchild proiektua: Ahaztearen kontrako hormak

Aldia: 2023ko urria – abendua

Helburua: Gernikako Bakearen Museoak parte hartzen duen Rememchild proiektu europarraren esparruan egindako ‘Ahaztearen kontrako hormak’ laborategiaren helburua da gatazka batean haur edo gazte izateak zer esan nahi duen, gertatzen denaz izan dezaketen ikuspegia, bizipen horren ondorioak eta hori jasaten duten haurren bizitzan zer eragin izan duen aztertzea

1) Mural baten diseinua, hura margotzeko horma eta hori egiteko taldeak erabaki ziren.

2) Aukeratutako taldeekin tailer bat egin zen. Bertan, batetik, XX-XXI. mendeetako garai desberdinetan bonbardaketetatik bizirik atera ziren haurren testigantzak jorratu ziren, eta, ondoren, muralismoaren historia azaldu zen.

3) Muralista baten laguntzarekin (Mikel Aldekogarai – Kezon) 2 mural margotu ziren ‘Gerrarik ez’ mezuarekin.