Euskal Kostaldearen Museoen hilea

Euskal Kostaldearen Museoen Sareak euskal itsas ondarea hedatu eta sustatu nahi du, baita kostaldeko eskaintza bateratu bat sortu ere, museo-produktu komunak garatuz, proiektuak partekatuz eta Euskal Kostaldea markaren turismo-sustapeneko eta komunikazioko ekintzak bultzatuz.

Aurreko urteetako edizioetan jarduerak asteburu bakar batean biltzen baziren, aurtengo edizioan jarduerak martxo osoan zehar luzatuko dira. Martxoan zehar, programa zabal bat garatuko da 32 museo eta kultur gunetan (41 museo eta kultur gunek osatzen dute sarea).

Gure kasuan, martxoaren 11 eta 12an, museora sartzea doan izango da; bisita gidatua eskainiko da egun bietan 13.00ean eta 12an, igandea, ‘Bakegileak-I pacifici’ tailerra egingo dugu.