Gerra eta bakea: zuzeneko begiradak

Fundación 2012 Fundazioak antolaturiko “2012 Euskadi, Bakea eta Askatasunaren aldeko kulturen urtea”n –Gernikako Bakearen Museoan ikusgai dagoen– aldi baterako erakusketa honek balio handiko lan multzo bat eskaintzen du; lan horien egileak hamabost herrialdetako hogeitamahiru argazki-kazetari ezagun dira, eta premisa bakarra erabateko askatasuna izan da. Era horretan, erronka konplexu bati erantzun diote: beren artxibo marduletatik ateratako irudi bakar batez adieraztea gizakiarentzat oso kategorikoak diren Gerra eta Bake kontzeptuak. Hala, bere ikuspegiagatik beragatik, erakusketa honek argazki-eklektizismoaren zordun den ikusmen-aberastasun handia eskaintzen du, alor guztietan: gaiak, argumentua, teknika eta bereizmena. Une desberdinak denbora eta toki aldetik, kasu askotan berez dagokien gordintasunarekin. Errealitatearen notario hauen bidaia partikular bat, gerraren infernuetara eta bakearen paradisuetara, azken horiek askoz ere partikularragoak.