Kids’ Guernica-ko parte hartzaileen elkarraldia

Gernikako bonbardaketaren 75.urteurrena dela eta, Gernikako Bakearen Museoak, Gernika Gogoratuz Bakearen aldeko Ikerketa zentroak eta Gernikako Kultur Etxeak, ‘Kids’ Guernica’ Nazioarteko Bakearen aldeko Arte proiektua antolatu dute, Gernika-Lumoko Udala eta Fundación 2012 Fundazioaren Patrozinioari esker.

‘Kids’ Guernica’ nazioarteko proiektua, 1995ean, Toshifumi Abe (Japon), Tadashi Yasuda (Japon), Kaoru Mizuguchi (Japon) eta Tom Anderson (EEBB)-ek sorturikoa da, Hiroshimako bonbaren 50.urteurrena gogoratu nahiean. Munduko hainbat lekutako haurrek sorturiko margolan erraldoi askoren erakusketa da, hots, Picassoren “Guernica”ren tamainuko muralak (3,50×7,80m).

Urriaren 5ea, ostirala, Kids’ Guernica 2012ko parte hartzaileen elkarraldia egin genuen Gernika-Lumoko Elai Alai aretoan, 10:00etatik 12:00etara.

PROGRAMA

1. Ongi etorria

2. Gernikako muralen azalpenak

3. Beste esperientzia batzuk

4. Parte hartu duten eskolei diploma banaketa

5. Kids’ Guernica International-eko sortzailearen hitz batzuk

6. Sari banaketa

Proiektu honetan 9 horma-irudi egin dira. 7 ikastetxek parte hartu dute (Allende, Institutua, Barrutia, Montorre-Arteaga, San Fidel, Seber Altube eta Barrutialde), Ahize-AEK -ko talde 1 eta Gernikako Bakearen Museoan beste talde bat izan dira. 330 umetik gora izan dira parte hartu dute.

Elai Alain egingo den ekitaldi honetan Gernika-Lumoko erakusketa antolatu duten hiru erakundeetako arduradunak egongo dira: Gernikako Bakearen Museoko Zuzendaria, Iratxe Momoitio, Kultur Etxeko Arduraduna, Ricardo Abaunza, eta Gernika Gogoratuzeko Zuzendaria, Maria Oianguren.

Artista gazteek azalduko dute nola egin zuten horma-irudia eta gainera, eskolei diploma bat emango zaie beraien parte-hartzea ziurtatzen duena. Horrez gain, Kids’ Guernica International-eko sortzaileetako bat ere izango dugu gure artean: Toshifumi Abe.

Amaiera modura, sari banaketa izango dugu:

1-Kids’ Guernica albuma bete dutenen arteko irabazleari Port Aventurarako familia bidaia oparituko zaio (Auka Bidaiak-en eskutik)

2-Proiektuko parte hartzaileen artean egin den zozketako irabazleak nekazalturismo batean egonaldia jasoko du (Urdaibai Bidaiak-en eskutik).