Gernikako bonbardaketa minutuz minutu EITBn

Gernikako Bakearen Museoa eta Bonbardeoari buruzko Dokumentazio Zentruarekin elkarlanean, EITB-k duela 75 urteko apirilaren 26 hura gogora ekarri nahi izan du. Ordukoarekin lotura zuzena izan zuten hamar pertsonak –horietako batzuk oraindik bizi dira– gaur egungo baliabideekin egun hura nola kontatuko luketen irudikatu dugu.

Goizeko lehen orduetatik hasita, hegazkinen orroak hautsitako arratsalde lasaia igarota, gaueko iluntasunak Gernika suntsitua estali zuen arte minutuz minutu biziberritu dugu.