Eskolentzat

Sarrera

Hezkuntza funtsezko zutabea da Gernikako Bakearen Museoaren misioan. Sortu zenetik, Gernikako bonbardaketaren memoria historikoa zaintzeaz gain, bakearen, enpatiaren eta giza eskubideekiko errespetuaren garrantziaren inguruan egungo eta etorkizuneko belaunaldiak heztea izan du helburu museoak. Museoaren hezkuntza-arloan, gai horiei modu interaktibo eta esanguratsuan heltzeko diseinatutako tailer batzuk egiten dira.

Hezkuntza Arloko metodologia eta pedagogia

Hezkuntza-arloko metodologia eta pedagogia oinarrizko hainbat printzipiotan oinarritzen dira, jarduerak parte-hartzaileentzat eraginkorrak eta esanguratsuak izan daitezen.

Jarraian, metodologia horren alderdi nabarmenenak zehazten dira.

1. 🧠 🔬Esperientzia-ikaskuntza

Museoko hezkuntza-metodologiaren zutabeetako bat esperientzia-ikaskuntza da. Informazio teorikoaren transmisioan soilik zentratu beharrean, parte-hartzaileek modu aktibo eta esanguratsuan ikastea ahalbidetuko duten esperientzia praktikoak egiteko diseinatuta daude jarduerak.

2. 🧑‍🦱👩Parte-hartzailea ardatz duen ikuspegia

Arlo didaktikoak parte-hartzailearengan zentratutako ikuspegia hartzen du, eta aitortzen du pertsona bakoitzak ikasteko eta mundua esperimentatzeko modu desberdina duela. Jarduerak malguak eta parte-hartzaileen behar eta ezaugarrietara egokitzeko modukoak izateko diseinatuta daude. Horrek esan nahi du hainbat ikaskuntza-estilo, aurretiazko ezagutza-maila eta esperientzia pertsonal hartzen direla kontuan, ariketa bakoitza pertsona guztientzat irisgarria eta garrantzitsua izan dadin.

3. 🧠 🧐Hausnarketa kritikoa sustatzea

Beste alderdi garrantzitsu bat hausnarketa kritikoa sustatzea da. Tailerretan, ezagutzak eskuratzeaz gain, pentsamendu kritikoko trebetasunak garatzen dira. Taldeko eztabaiden eta hausnarketa-jardueren bidez, parte-hartzaileak lantzen diren gaiak zalantzan jartzera, aztertzera eta horiei buruz hausnartzera animatzen dira, ulermen sakonagoa eta ñabartuagoa garatuz.

4. 🎨 🎭Artea tresna didaktiko gisa erabiltzea

Artea funtsezkoa da Museoaren pedagogian. Bakearekin, enpatiarekin eta giza eskubideekin lotutako ideiak eta emozioak aztertzeko eta adierazteko tresna boteretsu gisa erabiltzen da. Hainbat ariketaren bidez, parte-hartzaileek beren sentimenduak, pentsamenduak eta edukiak modu sortzaile eta esanguratsuan bideratzeko aukera dute.

5. 👨‍👩‍👧‍👦 💡Talde-lana sustatzea

Lankidetza eta talde-lana aktiboki sustatzen diren funtsezko trebetasunak dira. Jarduera asko taldean egiteko diseinatuta daude, lankidetza, elkarrizketa eta parte-hartzaileen arteko laguntza sustatuz. Ikuspegi horrek ikaskuntza-esperientzia hobetzeaz gain, balio garrantzitsuak ere irakasten ditu, hala nola errespetua, elkartasuna eta enpatia.

Gernikako Bakearen Museoko hezkuntza arloko tailer eta jarduerek garrantzi handiko gai historiko eta sozial ugari jorratzen dituzte. Hona hemen gai aipagarrienetako batzuk:

⚔️ 🪖 Espainiako Gerra Zibila: Parte-hartzaileek Espainiako Gerra Zibilaren gertaerak eta ondorioak aztertzen dituzte, gatazkaren giza eta gizarte-inpaktuan oinarrituta.

💣💣Gernikako bonbardaketa: Gernikako bonbardaketa sakon aztertzen da, gerraren suntsipena eta komunitatearen erresistentzia sinbolizatzen dituen historiako gertaera tragikoa.

🚷🏠Erbestea: Tailerrek erbestealdiko eta desplazamendu behartuko esperientziak jorratzen dituzte, etxetik alde egin behar izan zutenen istorioak aztertuz.

📜 🏛️Gernika-Lumoko historia: Gernika-Lumoko historiaren ikuspegi osoa eskaintzen da, denboran zehar izan duen garrantzi kulturala eta erresistentzia nabarmenduz.

Atal honen helburua irakasleei museoko bisita antolatzerakoan zenbait aholku ematea izango litzateke. Erakusketa iraunkorraren, ibilbideen eta aldi baterako erakusketen bisitak egiteko orduan, ikasleen eta irakasleen beharrizanak egokien betetzeko jarraibideak ematen saiatuko gara.

Irakaslearen edo talde arduradunaren lana errazteko, zenbait ekimen jarri ditugu martxan:

1. 📞📲Museoko edukiei buruzko orientazioa emateko aukera telefonoz ( +34 94 627 02 13).
2. 🧑‍🦱👩 Museoan bertan aurretiaz bisita prestatzeko aukera, irakasleak behar duen material eta aholkuak emanez.
3. 📖💻 Museoak hezkuntza-materialaren aukeraketa zabala jartzen du irakasleen eskura, hainbat plataformatan oinarrituta: Youtube (bisitaldiak, txostenak…), Issuu (eskuorriak, liburuak…), Ivoox (bisitaldiak…), etc.
4. 💻📧Puede realizar una consulta a través del correo electrónico hezkuntza@bakearenmuseoagernika.eus, piense que en muchas ocasiones esta vía de comunicación es más inmediata, eficaz y no está sujeta a las limitaciones de horario de las consultas telefónicas.