Oinarrizko gertaerak
1937ko martxoa. Iparraldeko Kanpaina hasi da
Martxoaren 31n, Durango bonbardatu zuten, eta hainbat aire-bonbardaketa masibo hasi zituzten frontean eta beste herri batzuetan, hala nola Elorrion eta Otxandion. Agintariek babeslekuak eraikitzea agintzen dute.
1937ko apirilaren 26a. 16:20ak dira. Lehen bonbak erori dira Gernikan
Alarma hotsak entzuten dira eta jendea aterpeetara doa korrika. Handik gutxira, Kondor Legioko bonbaketariek hirigunera eta ur-biltegira jaurti dituzte beren bonbak. Ehiza-hegazkinek herritarrak hirigunean mantentzea lortzen dute, metrailatze bidez, harik eta hainbat boladatan bonbardaketa masiboa gertatzen den arte.
1937ko apirilaren 26a. 19:40ak Bonbardaketa amaitzen da.
Hiru ordu baino gehiagoko infernuan 31 eta 41 tona lehergai artean jaurti zituzten, gehienak bonba su-eragileak, hirigunea erabat suntsitu zutenak. Eragindako sutea ezin izan zen zenbait egunetan itzali. Emaitza: eraikinen % 85,22 suntsituta eta hiribilduaren % 99 kaltetuta. Euzko Jaurlaritzak 1.654 hildako erregistratu zituen.
Denboraren lerroa
Gernikako bonbardaketaren denboraren lerroa aztertu. Ezagutu biztanlerian eta nazioartean izan zuen eragina.
Gernikako Bonbardeaketari buruzko Dokumentazio Zentrua
Dokumentazio Zentrua zerbitzu publiko espezializatua da, eta interesa duten pertsona guztien eskura jartzen du Gernikako bonbardaketari buruzko artxibo-materialak, liburuak, dokumentuak, aldizkariak eta ikus-entzunezko materialak osotzen duten funts dokumentala.
